Архитектура - Домашна архитектура

Тринаесет дизајнери од Холандија и Македонија ќе се претстават со својата дизајн изложба „Постоечки достигнувања (дом и мода)“ во Музејот на Македонија. Изложбата претставува ретроспектива на креаторите во различни дисциплини на дизајнот, од накит, моден дизајн, дизјан во домот.

Од Македонија ќе се претстават Росица Мршиќ, Александра Шекутовска, Тина Гошева, Гордана Вренцоска, Мима Пејоска и Андреј Бартлинг, како и холанѓаните Саша Ланој, Крис Слатер, Кристел Хофманс, Ремко Сварт, Марике Ронген, Мартајн Хоман, Бертус Росиер и Каат Шулте.

Организатори на изложбата се граѓанската иницијатива „Јавна соба“ од Скопје и Stihting Cultural Aid од Холандија. Куратор на изложбата e Ана Франговска. Изложбата е поддржана од Амбасадата на Кралството Холандија во Македонија, Министерството за култура, Град Скопје  и Мондриан фондацијата.

Изложбата е отворена до 15 март 2011 година.

---

< Пред		Следно >