Архитектура - Домашна архитектура

Изложба на монети под наслов „Муниципиум Стобенсиум - Римската монетарница во Стоби“ денеска, во 12 часот, ќе биде отворена во Музејот на Македонија, во Старата скопска чаршија. Ќе бидат претставени уникатни бронзени монети ковани во текот на владеењето на 11 римски императори од 73 (кога монетарницата почнала да работи) до 217 година, кога нејзината активност замрела. Изложбата ја подготви нумизматичарот Перо Јосифовски, а ќе ја отвори академик Бера Битракова-Грозданова.

- Водевме сметка да има ретки, уникатни монети, единствени или неколку во целиот свет, но и да се прикаже целокупната иконографија. Селектирани се 176 монети од сите периоди на ковањето монети во Стоби. Македонската јавност ќе може да види бронзени монети што се користеле за локална употреба и се од четири фази на монетоковање во монетарницата во Стоби. Сребрените и златните монети биле носени од Рим - вели Јосифовски.