Архитектура - Домашна архитектура

Министерот за правда, Михајло Маневски, го претстави проектот за најавениот објект на Кривичниот суд. За новата зграда е добиено решение за локациски услови и одобрение за градба, а во тек е тендер за избор на изведувач. На 8.862 метри квадратни корисна површина меѓудругото ќе има 74 судски кабинети, 22 средни судници, како и  2 големи репрезентативни судници, за 200 и за 100 лица. На приземјето ќе се наоѓа шалтерска сала за 60 вработени и спомен просторија, а во подрумот на две нивоа ќе има паркинг простор за 60 возила. Предвидени се три одвоени и независни комуникациски нивоа за јавноста, вработените и приведените лица.

 

Објектот кој е зацртан со „ДУП Судска палата 2“ ќе никне во постојниот судски комплекс, веднаш до зградите на Врховниот суд, Апелациониот суд и Основниот суд Скопје 1, на празниот простор зад Архивот на Македонија. Рокот за изградба е 18 месеци, а во јануари беше соопштено дека градежните работи ќе почнат во март.

 

::: build.mk

---

< Пред		Следно >