Архитектура - Домашна архитектура

На античкиот локалитет Хераклеја Линкестис започнаа годинашните нови систематски ископувања, како продолжение на минатогодишните активности.

„Целта годинава е да ги доистражиме местата што ги започнавме лани. Ќе се движиме во оградениот дел на Хераклеја и на она што најмногу ќе ставиме акцент е инфраструктурното уредување на локалитетот и на изготвување проекти од областа на конзервацијата. Посебно внимание лани привлече јужниот бедем, што ќе се истражува и понатаму, и новата базилика, со што се зголеми и бројот на базиликите во локалитетот. Потоа, откривме голем број станбени објекти, како и еден голем објект за кој претпоставуваме дека е гимназион, што треба да се допрецизира допрва“- вели Аница Ѓеоргиевска, кустос во Завод и музеј - Битола.

Засега ископувањата на локалитетот Хераклеја крај Битола се движат само во оградениот дел, иако лани беа опфатени и површини надвор од оградата кон запад. Локалитетот се простира на површина од околу 4 хектари од кои 1.300 квадратни метри се мозаични површини.

---

< Пред		Следно >