Архитектура - Домашна архитектура

Скопската тврдина до јуни ќе биде археолошки истражена, најави археологот Драги Митревски, кој ја води тригодишната програма за истражување на Калето. Деновиве археолозите открија едњн од најзначајните наоди: мало грнче со златни и со сребрени венецијански монети.


- Можеме да истакнеме дека ова е еден од полуксузните наоди, што му дава и голема историска вредност. Во мало неугледно грнче беа пронајдени 46 златни византиски монети од тогашниот владетел на Скопје, Јован Трети Дука и уште 77 венецијански сребрени монети од разни владетели, кои заедно ни го определуваат историскиот момент на рушење на византискиот град и моментот кога Србите го освоиле градот. Денес откривме многу убав женски накит својствен за највисоката класа на византиската аристократија, што сведочи за специфичниот историски момент во кој се наоѓаме, крајот на 13 век.


- Останува да се доистражи просторот на терасата на ресторанот, тоа е оној дел во кој се влегува од главната јужна порта, да се ослободи од археологија и оттаму да биде влезот во средновековниот град. Просторот на јужната порта било депресија, а од неа се влегува во главната порта, а било ѓубриште, по земјотресот таму бил оставен, и кога влегувате во слој на градежен шут, треба да ги отстраниме и тогаш можеме да чекаме - изјави археологот Митревски.

---

< Пред		Следно >