Архитектура - Домашна архитектура

Во с. Старавина во општината Новаци, ќе се одржува практична обука под наслов „Реставрација на стари традиционални објекти со употреба на природни материјали“, организирана од Центарот за институционален развој – ЦИР од Скопје и регионот на Долна Нормандија, Франција.


Обуката се реализира во соработка со Општина Новаци, со цел учесниците, студенти од Факултетот за архитектура од Скопје, како и граѓани од оваа, но и од општините Маврово-Ростуше и Берово, кои имаат во сопственост стари традиционални куќи, да се стекнат со знаења и вештини за градба и реновирање стари објекти со исклучителна употреба на природни материјали и еколошки техники на работа.Но, и да го пренесат стекнатото знаење во натамошните слични активности во рамките на проектот што ќе трае до 2013.


Обучувач е Тефик Тефиковски, експерт за градба и реставрација на традиционални објекти, а презентацијата на плановите за реставрација на старите традиционални објекти во наведените општини ќе се одржи на 14 август од 11 до 12,30 часот, во просториите на Општина Новаци. Практичната обука се организира во рамките на Проектот за децентрализирана соработка меѓу Македонија и Регионалниот совет на Долна Нормандија (Basse -Normandie Region Council) од Франција, имплементиран од ЦИР.

Реставрацијата на традиционалните објекти се планира да започне веќе од наредната година.

---

< Пред		Следно >