Архитектура - Ентериери и дизајн

„Coutume”  е кафе бар со богата понуда на разни видови на кафе, во чиј склоп се наоѓа и местото каде што се создава, испекува кафето. Овој локал се издвојува по големата посветеност на обработката, подготвувањето и правење на кафето како и подигање на свеста за самото потекло на овој напиток, и психо-физичките влијанија кои можат да се создадат кај уживателот.

Како проектанти на ентериерот се одбрани архитектите на студиото  „CUT Architectures” кои својата инспирација ја пронајдоа во старите кафе барови на Париз. Сакаа да го доведат овој класичен париски ентериер во неговата положба, па
затоа ги реставрирале гипсените мотиви на касетираниот плафон како и столбовите со живописни капители. Поставен е нов паркет од даб чија текстура и начин на поставување, му даваат идентитет на просторот и многу топла атмосфера.



Површината на просторот која била на располагање изнесува околу 90квадратни метри. Централната зона ја зазема простран бел шанк, во чиј состав се наоѓа место каде што се пржи кафето, од каде што произлегува карактеристична врева на мелниците и секако свежиот мирис на кафето.



Белата боја се простира по ентериерот како лајт мотив, а со тоа  го прави просторот угоден, чист и добро осветлен. Масите и столовите се дело на  дизајнерско студио „CUT Architectures” кои  исто така ги комбинираат дрвените елементи со бел колорит. Внатрешното соголување на просторот е многу едноставно осветлено, а внесува помалку индустриски карактер и исклучително добро се вклопува со архитектонската визија.

---

< Пред		Следно >