Архитектура - Ентериери и дизајн

Архитектонското биро Office dA го дизајнираше ентериерот на Banq Restaurant, сместен во Penny Savings Bank на улицата Washington Street, во Бостон, САД. Ресторанот е сместен во долното ниво на овој објект, еден простор од објектот  кој претходно бил запуштен и ретко кој водел грижа за него. 

Главна тема на овој ресторан е третманот на плафонските и ѕидните површини кои симболизираат таласести брановидни движења, симболизирајќи ја новата функција на тој дел од просторот во контекст на простор кој почнува да се бранува а не да стои мирно и незабележано. Во тоа и најверојатно и успеава, но како и да е, самиот ресторан е прекрасно дизајниран и не остава никого рамнодушен без разлика на концептот на архитектите.

Овие површини се изработени од ламелирано дрво во различни модули, конструктивно се поврзани со метални профили кое пак се закачени на плафонските површини. Подот е обработен од бамбусови фабрикувани ламинатни модули кои допринесуваат за поинтимна и потопла атмосфера во самиот ресторан.

Доза на баланс наоѓаме во фино обработените  бетонски пешачки патеки кои делуваат како рамнотежа помеѓу волуменозната плафонска брановидна површина и мебелот заедно со партерот.

---

< Пред		Следно >