Архитектура - Ентериери и дизајн

Isay Weinfeld е автор на куќата Sumaré изградена во Сао Паоло за потребите на графичкиот дизајнер Priscila Araújo која имала потреба од куќа во која ќе може да работи, изложува, вежба, да другарува со пријателите и секако да живее во нејзе.

Со оглед на законските рестрикции објектот не смеел да надмине два ката, па така подземното ниво е третирано како атеље и депо кое е отворено со широки ископи. Овој архитектонси потег донесува големо количество на светлина со што чувството дека е подземно ниво е анулирано и не се осеќа воопшто како аномалија на објектот.

Наредното ниво кое е само на неколку скалила над уличната кота е простор во кој се сместени кујната, трпезаријата и просториите за дневен престој, сите третирани простано со убави визури кон надворешната тревна површина.

Најубаво се доживува во делот каде е сместена просторија за дневен престој во којадоминантен дел имаат издолжените полици кои претставуваат дисплеј на нејзината приватна колекција на плодотворни збирки од книги, монографии па се до винтажните и бакарни скулптури.

Ова ниво е поврзано со подрусмкото ниво и однадвор и одвнатре односно со топла и ладна врска. Вториот кат, односно третото ниво е простор во кој се сместени двете спални соби базенот, делот за вежбање и фитнес, како и просториите за забава.

---

< Пред		Следно >