Архитектура - Ентериери и дизајн

Француската дизајнерска куќа Ombre Portée ни ја претсави последната колекција на ЛЕД светилки. Направени од метални прачки, стаклени монистри, транспарентни ПВЦ парчиња и пердуви - комбинирани меѓусебно за да се создадат овие прекрасни уметнички светилки, не внесуваат во една нова димензија на осветлувањето на просторот која на елегантен начин ни ги открива тајните и убавините на осветлувањето.

Секој од овие примери користи LED светилки со интегрирани трансформатори, кои што се компатибилни за стандардите во САД, Велика Британија, и Европа, така да корисниците можат да уживаат во декорираниот стил на оваа генерација на скулптурални украсни светилки. Палетета од производи  на куќата Ombre Portée е широка и креативно разноврсна од висечки светилки па се до ѕидни, плафонски, лебдечки, скулптурални, самостоечки.

Имплементирањето на овие современи светилки со сигурност ќе го заживее вашиот ентериер и ќе го претвори во уште попријатно место за живеење.

Архитект.мк
Игор Василевски

---

< Пред		Следно >