Архитектура - Ентериери и дизајн

Проектот за продавницата Centauro што се наоѓа во шопинг центарот Jardim во Сао Паоло, Бразил, прикажува цврсти елементи што се карактеристични за самиот бренд . Идејата започна со дизајн што претставува едноставност на постоење, а не разидување.

Употребата на црвена и бела боја е карактеристика за марката и симболизира атлетска тркачка патека, која постои во сите продавници, и е значаен елемент за овој проект. Значаен концепт кој го предводи просторот е креацијата на континуирани области кои може да бидат деформирани и преобразени во структурални елементи на продавницата или пак, некои значајни продукти, кои ги прекршуваат регуларностите на просторот.

За сјајноста на ѕидовите е употребен композитен алуминиум со материјал од 1.25м аранжиран дијагонално, вертикално и хоризонтално за да не формира паралелни полигони. Овие полигони ги поддржуваат продуктите и им дозволуваат индиректно осветлување, создавајќи големо количество на светлина креирано од големи светлосни боксови. Инклинацијата на панелите исто така, дава подобар изглед на предметите позади застаклените површини.

Црвената патека е уште еден додатен елемент во проектот. Третирана е како простор кој ја проширува продавницата и станува импресивен елемент. Во срцето на просторот има мезанин со јачина која го идентификува просторот. Централно ги заштитува ѕидовите и позадината на продавницата.

Импресивно ентериерно решение со комбинација на само две бои кои не делуваат стерилно, туку напротив го отвораат просторот и внесуваат свежина во истиот.

[ AUM Arquitetos ]

Архитект.мк
Игор Василевски