Архитектура - Ентериери и дизајн

Интегриран како дел од стоковната куќа „Зен“ во Бангкок, Тајланд, ресторанот Зелсе е еден од најпријатните  простори во кој посетителите ќе можат да уживаат вкусувајќи ги гурманските оброци што овој ресторан ги нуди.

За неговиот дизајн беа задолжени DOA - Department of Architecture, кои имаа оригинален дизајнерски пристап, обидувајќи се да спојат четири архитектонски дисциплини во еден простор: пејсажната архитектура, модниот дизајн, внатрешниот дизајн и надворешната архитектура.

Проектот не воведува во играта на динамичниот свет на модниот дизајн интерпретиран преку статичниот домен во архитектурата,  естетски комбинирајќи ги архитектонските елементи и функција, и истовремено илустрирајќи ја пејсажната архитектура како суштински и неодминлив дел во еден простор од јавен карактер.

Ресторанот е составен од четири зони : лоби, трем, надворешен и внатрешен  простор за оброци. Сите зони се третирани како дел од инспирацијата на модни ткаенини, и претставуваат мулти-дисциплинарен пристап кон инсталациите поставени како уметност.

За осветлувањето беа задолжени ACCENT Studio кои на изнвонреден начин успеава да создадат еден пријатен, интимен и пред се оригинален амбиент.

Архитект.мк
Игор Василевски

---

< Пред		Следно >