Архитектура - Ентериери и дизајн

Архитектонското студио од Канада, со седиште во Торонто, Shim – Sutcliffe Architects , го заврши својот последен проект во кој дизајнираа и создадоа интересно решение за една интегрална куќа која е ситуирана покрај една клисура во периферијата на Торонто.  Оваа интегрална куќа е замислена како место во кое ќе се одвиваат активности од доменот на  архитектура, музика, уметноста.

Објектот е наменет за 150 посетители, подигнат е на едно ниво каде што среќаваме и галерија, а пространоста и оригиналноста, највеќе доаѓаат до израз благодарение на криволиниската (по карактер) фасада, во која „змијовидните ѕидови (serpentine walls)“  се обработени од дабово дрво. Овој модуларен дабов проред сметаме дека има клучна улога во карактерот на овој галериски објект, создавајќи возбудлив ритам во извиената форма на фасадата. Објектот е изработен со неверојатна прецизност во деталите, што е само причина плус за создавање на уште една канадска симпатија.

---

< Пред		Следно >