Архитектура - Ентериери и дизајн

Архитектонското студио Guz Architects, изработи инспиративен проект за една рибарска куќа во Сингапур. Главниот дизајнерски концепт беше да се создаде куќа која што ќе биде во блиска релација со природата. Ова поврзување го постигнуваат со поставување на водена платформа под површината на објектот, со што на некој симболичен начин не асоцира дека куќата плови по водената површина како брод во морето.

Заоблената покривна површина треба да создава асоцијации на морски бранови што го потенцира дополнително присуството на морето во нејзината непосредна близина. Една половина од покривната површина е покриена со фотоволтажни системи кои што обезбедуваат енергија за потребите на куќата, додека преостанатиот дел е употербен како зелен покрив на кој среќаваме тревни насади. Во објектот преовладува дрвото како основен материјал кое го сретнуваме на партерните и плафонските површини во скоро сите делови на објектот, надоврзувајќи се на основниот концепт во оваа куќа.

---

< Пред		Следно >