Архитектура - Ентериери и дизајн

Хотелот кој се наоѓа во непосредна близина на Аеродромот во Солун со име Никополис, е можеби едно од попријатните изненадувања во однос на грчкиот современ архитектонски дизајн. Станува збор за хотел во категоријата на угостителски објекти со пет ѕвезди, во кој третманот на ентериерното решение има современ карактер. Објектот е изграден во 2003 година, а оваа година го доживеа и своето прво реновирање. Завзема вкупна површина од околу 20.000 метри квадратни во која хотелот заедно со прекрасно решените пејзажни градини, неприметно се претопува во своето природно опкружување.

Голем удел во целиот амбиент создава и осветлувањето кое во ноќните часови комплетно го траснфорира просторот во една егзотична оаза, во која разгаленото око на секој посетител ќе може непречено да ужива во водените базенски површини  подпомогнати со бројните водоскоци и фонтани.

Подигнат е на само три ката и има капацитет од 99 соби во кои 67 ќе припаднат на стандардното сместување во кое секоја соба има по 32 м², 25 делукс соби со по 40м², 4 детски апартмани со по 46м², две ВИП соби со по 70м² и претседателски апартман од 78м². Покрај стандардните содржини како што се базените од затворен и отворен тип, рестораните и баровите, хотелот изобилува со бројни и услужни содржини како простории за нега и грижа на деца, бизнис центар, конфернециска и кино сала, спа центар, фитнес центар, wellnes центар и уште 20 слични на овие.

---

< Пред		Следно >