Вистински археолошки “рај“ е пронајден во Египет. Откопани се дури 57 староегипетски гробници, а во поголемиот дел од нив има и мумии. Најстарата, меѓу пронајдените гробници, датира од периодот околу 2750 година, п.н.е., кога владееле египетската прва и втора династија. Некои од гробниците, пак, се од подоцнежен период, односно од времето на владеењето на 18-та династија. Археолозите тврдат дека овие нови ископини даваат ново светло на староегипетската религија.