Архитектура - Разно...

Научниците на норвешката компанија „EnSol As“ соопштија дека тестираат проѕирна фолија за прозорци која стаклото го претвора во своевиден соларен панел. Професор Крис Бин, лидер на истражувачкиот тим, вели дека сончевата енергија не се користи доволно и покрај тоа што во глобални рамки рапидно расте употребата на соларни панели. Фолијата е проѕирна и се лепи на стаклата, по што ги претвора стаклените површини во мали соларни генератори. Иако се уште е во фаза на истражување, идентична фолија би можела да се користи и за ѕидовите на објектите.

Од норвешката компанија наведуваат дека фолијата е создадена од метални наночестички. Соларните ќелии функционираат на сосема нов начин и се далеку поевтини од панелите што се користат денес. Во блиска иднина тие дури би можеле да станат и составен дел од градежниот материјал, по што објектот ќе се претвори во соларен генератор што ќе произведува еколошка електрична енергија – додава научникот.

Портпарол на „EnSol As“ за британскиот весник „Daily Mail“ изјави дека нивна цел е да постигнат 20-процентна искористеност на соларните ќелии. – Ако тоа ни успее, тогаш фолиите би можеле да ги понудиме на глобалниот пазар уште во 2016 година, бидејќи тогаш на среден рок ќе станат еколошки и економски исплатлив производ – истакнуваат од норвешката компанија.

---

< Пред		Следно >