Архитектура - Софтвер и хардвер

За голем број од нас, новиот продукт на Apple наречен iPad, е сеуште недостапен од финансиска гледна точка, но она што деновиве не изненади е новата апликација  на Autodesk која за корисниците на Sketchbook Pro, овозможи користење на овој софтвер преку популарниот iPad.

Програмерите и инженерите на овој софтвер се горди на конечниот изглед и физиката која што со неверојатна точност ги пренесува сите движења на дланката, притоа задржувајќи го моментот на артистикиот приказ како да е исцртан со „слободна рака“. Нивниот главен проблем бил во логаритамските и аритметичките формули, за кои како што тврдат, успеале да најдат начин да при различен притисок на вашите прсти добивате различен интензитет во градацијата и јачината на линијата која што ја исцртувате.

Ова можеби отвора и нови паралели, за кои според многумина овој геџет ќе претставува  современа  тетратка, нотес за цртање и скицирање на идните сликари, дизајнери и уметници, а според многумина уште една слатка алатка која неуспешно ја симулира величенственоста на артистичкиот цртеж изработен без компјутерски помагала.

---

< Пред		Следно >