Архитектура - Светска архитектура

Архитектонското студио OAB - Office for Architecture in Barcelona, чиј предводник е архитектот Carlos Ferrater, честопати имаат нагласено дека куќите коишто ги проектираат се своеврсни портрети на лајфстајлот кој што е негуван од страна на клиентот, инвеститоторот. Еден од неговите последни проекти е резиденцијата за еден фотограф (House of a photographer), ситуирана на дваестина километри од Барцелона во идиличното градче Coste de Azahar.


Современите летниковци се со посебен карактер, па така Carlos Ferrater при изработката на овој проект реферирал и останал доследен на своите колеги претходници Jose Luis Serta и Jose Antonio Coderch. Нивните замисли целат кон фузија на дивиот крајбрежен предел и медитеранските пејзажни форми опсервирани до степен на апстракција.


Оваа летна резиденција се наоѓа на исклучително издолжена парцела која е широка 18 метри а долга дури 250 метри со ориентација кон морето. Кубистичната форма на самата куќа е придружена со уште 50-на палми кои се засадени  по целата должина на парцелата, кои взаемно создаваат асоцијација на една Пикасова слика која што е насликана во непосредна близина на ова место, што и всушност претставувало една од главните инспирации за овој објект.

---

< Пред		Следно >