Архитектура - Светска архитектура

Архитектонското студио “Damilano Studio Architects” неодамна ја заврши реализацијата на проектот од бензинската станица недалеку од градот Кунео во италијанската област Пијемонт. Иако на прв поглед изгледа претерано креативен или интересен зафат, програмот и обликувањето на бензинската станица може да биде исклучително добра подлога за покажување на умешноста на архитектите во обликување на мали структури.


Идејата за овој конкретен дизајн е строг симболизам на патување, кратко или долго, единствено прекинат само на неколку места заради точење на бензин  или едноставно протегнување на нозете. Целокупната волуметрија на овој објект изгледа многу динамично и подвижно.



Архитектите сакале да одстапат од традиционалното обликување односно креираа друг пристап со автомобил кон самиот апарат за точење бензин, кој е осамен во својата обликувана целина, и се наоѓа под печуркастата внатрешница.
Белиот колорит успешно го предизвикува вниманието на возачите, особено при ведар ден кога рефлектира голем дел на зрачење.


Во текот на вечерните саати, белата боја на фасадата го рефлектира внатрешното вештачко осветлување низ прозорите на заоблениот облик, обидувајќи се да ги повика возачите на пауза и да донесе заработувачка за инвеститорите. Внатрешните простори исто така се лесно обликувани,каде преовладува монохраматски колорит и стаклени прегради.

---

< Пред		Следно >