Архитектура - Светска архитектура

Проектот “3beirut”,  кој неодамна премина во фаза на изградба, е прв проект на познатиот архитект  Норман Фостер во Либан. Станува збор за мешовита намена, која ќе ги комбинира административните и станбените содржини. Според зборовите на архитектите, проектот тежнее кон внесување на иновација во доменот на одржливата градба во Бејрут, почитувајќи ја неговата урбана шема и волуметрија на околните блокови.

Објектите во проектот “3beirut” се едноставни кубични форми, кои беа на мета на стручната критика кога проектот прв пат беше претставен пред јавноста. Иако е кажано дека ваква градба изгледа застарено, архитектот се правдаше со зборовите, дека ова е единстевн облик на блок кој може да постигне успешна колерација со веќе постоечката урбана шема.

Целта на проектот е да го поврзе историското јадро на Бејрут со приморскиот брег, т.е. да игра важна улога во понудата на современиот комерцијален простор во градот. Како што е планирано приземјето ќе понуди продавници, галерии и ресторани додека остатокот од објектот ќе биде окупиран со станбени единици.


Кровните балкони и зелените балкони на становите претставуваат иновација во овој град, кој сигурно ќе биде добро прифатен од страната на купувачот.


foster + partners

---

< Пред		Следно >