Архитектура - Светска архитектура

Италијанското архитектонско студио Park Associati создаде интересен проект, по молба на познатата компанија  “Electrolux”. Станува збор за монтажен објект, кој го добил името “ The cube”, а кој ќе послужи како мал ресторан во текот на повеќемесечното патување низ Европа.


Овој објект е всушност дел од компанијата “Electrolux” да промовира свои уреди низ исклучително современа отворена кујна којќе биде централен дел на овој ресторан. Меѓутоа, улогата на архитектурата во овој проект е да креира привремена монтажна структура, која ќе одговара на најразличните климатски услови бидејќи ќе  биде монтирана  во период кој ќе се состои од по три месеци во   Белгија, Италија, Швајцарија, Шведска и Русија.

Објектот е монтиран и официјално е отворен во Брисел, и тоа на прочуената капија на паркот “Parc du Cinquntenaire”


Станува збор за структурна површина од 140 квадратни метри со додатни 50 квадратни метри на балконот. Внатрешноста се состои од голема отворена кујна, каде што најпознатите светски кувари ќе приготвуваат јадења од своите менија пред гостите, приредувајќи одреден спектакл. Гостите имаат на располагање една долга маса, на која ќе може да седнат 12 луѓе + 6 на балконот.



Овој павилјон е многу интересен, заради својата современа естетика, која потсетува на привремената структура на сајмотвите и изложбите, но и комплексната конструкција на една зграда. Промислената архитектура се согледува во беспрекорната и воочлива естетика, и разрабоотените детали на конструкцијата кои овозможуваат исклучително брзо расклопување,брз транспорт и брза монтажа.

---

< Пред		Следно >