Архитектура - Светска архитектура

Театарскиот комплекс на студиото  Набито сместен во Фросионе, Италија има за цел да ги спои театарот и градската куќа, две институции кои имаат тенденција да бидат обединити во една, создавајќи мултинаменски објект во кој културните манифестации и интересите од јавен карактер ќе бидат во интердисциплинарен однос. Објектот е поделен на три сегменти и пристапот до секој од нив е преку благи рампи кои се претопуваат во природно разеленетата околина што го опкружува.

Првиот сегмент се состои од приемен дел и главен влез воедно, простор проектиран на повеќе нивоа во кој се сместени библиотеката, читалната просториите за музика и добро снабдената продавница со интегрирано кафуле.

Вториот сегмент е во служба на сервисните функции, каде артистите можат да ги користат условите потребни за сите подготовки и настапи, како вежбални, фитнес сали и слично. Овој сегмент служи како релација за припојување на првиот сегмент со последниот.

Третиот сегмент е делот каде што е сместен аудиториумот во кој се пристапува преку широко и просторно фоаје. Сите три сегменти се поврзани меѓусебно обединувајќи го добро организираниот простор, кој завршува со вертикална  кубична форма во која се сместени сите технички и административни дејности.

---

< Пред		Следно >