Архитектура - Светска архитектура

Мексиканскиот тим од архитекти Jorge Cajiga, Raúl Rodríguez, Roberto Villarreal и Reyes Baeza го презентираше својот последен проект наречен Darcons. Сместен е во предградието на градот Делициас во Мексико. Проектот е замилсен како визуелна  рамка која ќе ги опфаќа и дефинира пејсажните визури но во истовреме ќе претставува и површина која ги разграничува предградитето и градското ткиво, односно урбаниот интерфејс наспроти руралниот.

Фасадата е дефинирана и изразена преку два материјала, едниот овозможува траснпарентна  површина која создава визури преку објектот  а другиот материјал е матинирана лимена површина која ја дефинира рамката на објектот и го штити ентериерот од соларно зрачење.Ентериерот наспроти строгите линии од екстериерот е главно од природни материјали во кој што доминираат дрвото и создава чувство на топлина во внатрешноста на објектот.

Објектот има разиграна фасада со кубични форми и конзолни испуштања, ориентирани на сите страни, а  во него јасно се чита современиот проектантски израз на архитектите. Подигнат на три нивоа и едно меѓу ниво на површина од 1300 метри квадратни е објект со динамичен, впечатлив и допадлив израз кој не можевме а да не го забележиме на нашиот сајт.

---

< Пред		Следно >