Архитектура - Светска архитектура

Студиото на Хрвоје Њирич е првонаграденото студио за проектот на Кајзерица, Загреб, локација каде што треба да се изгради нов стадион во 2012 година. Овој проект е наречен „Синиот Вулкан“ име кое му го доделија новинарите и луѓето во Хрватска, иако во обмилсивањето на идејното решение студиото го нарекулаво брег играјќи си со името на градот Загреб - За(брег).

Нивниот пристап кон објектот не бил типолошки туку топографски. Користејќи ја природната разбранета структура на теренот, пејсажот што го опкружува стадионот е третиран како брег  па оттаму и идејата за  оваа форма.

Карактеристично за овој стадион е изборот на материјал а не формата, имено станува збор за рециклирана гума која што ќе содржи плав пигмент кој ќе биде залепен на алуминиумски панели. Овој избор на материјал ја намалил цената на самиот објект за три пати и бил клучен во совладувањето на конкуренцијата.

Стадионот вклучува разнообразни комерцијални програми поврзани со населбата и областа во која што е изграден, и тендензциозно е предимензиониран како резултат на архитектонскиот пристап и теза дека стадион  не претставува куќа, туку облежје на една област третирана топографски а не типолошки.

---

< Пред		Следно >