Архитектура - Светска архитектура

Архитектите Kevin Angstadt, Patrycja Doniewski, Stephen Mileto се автори на куќата  Split Level, Филаделфија која претставува израз на застаклено ентериерно решение обвиткано со заоблен волумен, изграден од фасадна цигла.

Тоа е едно нивелирано аголно решение, поставено помеѓу две вкрстени улици, подигнато на три нивоа, кое претставува место за станбено домување. Партерот е решен со темен даб, а ѕидовите се третирани со полирани и фино обработени бетонски површини во комбинација со челични профили. На поткровјето се наоѓа неприметна тераса интегрирана во фасадната обвивка.

Заоблената форма на фасадата е во сооднос со неправилната улична мрежа, а ритамот на формата и изборот на фасадната цигла направена од изделкан камен, создава нов архитектонски имиџ и израз  на овој агол од улицата. Карактеристечен сегмент во овој објект е одземениот волумен на самата фасада, кој на елегантен начин создава динамичност, внесува светлина во внатрешноста и ги избегнува конвенционалните и стереотипни аголни архитеконски решенија.

---

< Пред		Следно >