Архитектура - Светска архитектура

Познатиот бразилски архитект Marcio Kogan, за кој говоровме во една од претходните статии, кога ја анализиравме резиденцијата Paraty House, уште еднаш пријатно не изненади, овојпат во соработка со неколку негови колеги ја изгради резиденцијата наречена „Гама Иса“.

Оваа резиденција се наоѓа во Сао Паоло, Бразил, распростанета е на парцела со 1700 метри квадратни, а самата резиденција има површина од 700 метри квадратни интегрирани во две нивоа. Авторот на ова дело, оваа резиденција ја замислил како една бела волуменска обвивка во која ќе бидат обвиткани и опфатени сите потребни содржини и функции.

Мирната и чиста форма се поставени како контрапункт на хаотичното уредување на Сао Паоло, еден современ архитектонски обид да се воспостави хармонија со природата која што го опкружува овој резиденцијален објект. Минималистичката интерпретација во современата архитектура од страна на овој бразилски архитект најчесто е безгрешна, или во најмала рака изразно средство од кое секогаш можеме да научиме нешто корисно и убаво.

---

< Пред		Следно >