Архитектура - Светска архитектура

Американското студио Rocker Lange Architects, го објави дизајнот на нивната последна резиденцијална вила, која што ќе се изгради во Монголија, Кина. Овaа вила е дел од мега проектот „Ордос 100“, во кој дел од жириото се и архитектите Herzog & de Meuron.

Целта на проектот Ордос 100, е изградба на 100 објекти од 100 етаблирани архитекти. Меѓу нив ќе ги сретнеме и делата на rojkind arquitectos, mass studies,  sou fujimoto ,  nARCHITECTS, obra architects, alejandro aravena architects , и многу други. Проектот на Rocker Lange Architects, го носи името „inside out | outside in“ и предвиден е да се изгради  на површина од 1000 метри квадратни.

„Inside out | outside in“, во себе содржи елементи на современ архитектонски израз блиски на деконструктивизмот. Составен е од две јадра кои се поделени на три нивоа. Интересен концепт, кој во своето приземно ниво,каде се сместени дневните простории, транспарентноста ја манифестира по целиот параметар на објектот, додека на горното ниво, каде се сместени просториите за одмор, светлината ја изразува со пригушен интензитет, изразен преку хоризонтални елементи кои се естетски интегрирани во фасадата на овој објект.

---

< Пред		Следно >