Архитектура - Светска архитектура

Инсталирана подземна гео-цевка до Персискиот Залив, кој се наоѓа во непосредна близина на објектот, преку која ќе се доведува вода што содржи органски соли, е само дел од концептот што архитектонското биро „Faulders studio“, го замисли во својот последен проект за потребите на една повеќекатница во Дубаи.

Имено оваа цевка ќе доведува вода, која ќе има за задача со специјален систем да  биде распрскувана по фасадната површина. За таа цел и на самата фасада, која што има структурален изглед, ќе бидат поставени гео-цевки. Овие цевки, преплетени со конструктивниот систем на фасадата, имаат својство  да ја сочуваат солта, која за одреден временски интервал, ќе создаде нова површина, што видно ќе го измени интерфејсот на фасадата.

Овој посебен процес на систематско наводнување што иницира одлевање на водени наноси и создавање на нови рељефни пластови од соли по површината на целата фасада, е новитет во градежната технологија, за кој се смета дека во блиска иднина честопати ќе биде користен од страна на архитектите, како ново изразно средсво во создавање на  форми инспирирани од природните ресурси кои што ги опкружуваат.

Архитект.мк
Игор Василевски

---

< Пред		Следно >