Архитектура - Светска архитектура

Зградата е лоцирана во историска област во Аукленд, Нов Зеланд, во централната бизнис зона CBD. Предниот дел на оваа зграда е изложен на прометна улица во која доминира мешавина на згради изградени во Викторијански стил a поголем број од овие згради се во незавидна состојба во последните неколку децении. Бележиме силен урбанистички контраст помеѓу двете улици кои што го ограничуваат овој објект, од причина што фронталната улица е прометна и функционално побогата, додека споредната улица има сервисен карактер, па оттаму и нејзината скромна и непланирана еволуција во архитектонската силуета.


Зградата која што ја изгради архитектонското биро RTA Studio е замислена како комбинација и вкрстена анализа на функциите од овие две улици, во која што содржините ќе бидат организирани по истата аналогија. Тоа значи дека репрезенативните содржини со богат и раскошен дисплеј ќе бидат поставени на фронталниот дел од објектот, додека сервисните, комуналните услуги ќе бидат ориентирани на задниот дел. Нота плус посветуваме на пластичноста во архитектонскиот израз која всушност го привлекува и најголемото внимание.

---

< Пред		Следно >