Архитектура - Светска архитектура

Стилистички запуштениот објект во Барцелона, кој беше изграден во пеесетите години, својата прва преродба ја доживеа од страна на архитектите Carlos Ferrater и Juan Trias de Bes. Овој објект кој во својата првична намена претставуваше банка, ја доживеа својата пренамена со угостителски содржини во кои ќе ги забележиме хотелските простории како и кафе баровите заедно со ресторанот.


Нивната интервенција се однесуваше  во однос на централниот простор во кој е отворен атриумски простор кој внесе дополнително количество на светлина, притоа задржувајќи ја нејзината симетрична едноставност. Сретнуваме и воздушен мост кој што надвиснат во атриумскиот дел ги вксртува горните нивоа и овозможува директен влез во лобито на оваа деветкатница.



Карактерот на оваа зграда силно влијаеше и на шпаснкиот архитект Patricia Urquiola, чиј што проект и замисла беше  имплементиран во овој објект. За ова дело и самата знаела дека ќе мора да се претсави со специфична визуелна приказна во која што анализите и истражувањата ја донеле до самите корени со Ориентален карактер во кој мандаринскиот стил ќе биде претставен како бренд на објектот.


„Сакав да направам нешто со светлото кое што можев да го приметам насекаде во просторот. Неговата рефлексија и прегледност во просторот создаваат дизајн којшто ме асоцираше на бела ракавица, која што ја симболизира елеганцијата и чистота во сервисот, па така благодарение на нејзиниот патерн создадов континуитет во дизајнерската линија во која што вредностите на минатото не беа запоставени тука напортив, нагласени со современа интерпретација“ -  Patricia Urquiola.


Архитект.мк
Игор Василевски

---

< Пред		Следно >