Архитектура - Светска архитектура

Најновиот проект на архитектонската фирма Coop Himmelb(l)au е Павилјонот 21 пред баварската опера во Минхен. Павилјонот 21 Мини Опера е воиден простор, кој  е наменет за експериментални изведби на баварската државна оперска куќа. Целта при проектирањето било да се создаде уникатен акустичен простор, кој би ја намалил околната врева, односно ќе формира “зона на тишина” во павилјонот, создавање место каде што ќе може да се почувствува промената во звучното окружување.

За постигнувањето на ваков концепт архитектите користеле три механизми при проектирање, форма на замислениот плоштад, кој ќе ги блокира звуците од улицата, обликувана форма на фасадата на павилјонот која ке ги собира и одбива звуковите, додека самиот материјал на формата од фасадата, исто така го апсорбира и рефлектира звукот.

Масата, а паралелно со тоа и тежината се едни од најважните критериуми за добра акустика, односно за тоа архитектите мораа да се соочат со извесни контрадикции, и да дизајнираат едноставна конструкција, која ќе може по потреба релативно едноставно да се оддели и состави, но која во исто време, ќе понуди исклучително звучни карактеристики на малата концертна сала.

---

< Пред		Следно >