Архитектура - Светска архитектура

Градот Беихаи во Кина распиша конкурс за станбен комплекс, кој се наоѓа веднаш до градската плажа, а конкурсната изработка на студиото “МАD” го освои првото место. Познатата кинеска архитектонска фирма “MAD Architects” е творец на урбанистичкиот концепт за развојот на градот Беихаи во Кина, кој наиде на позитивни критики, но и на големи оспорувања.


Овој урбанистички план  се состои во комбинација на две типологии на станови, а тоа се високи небодери, и редица  помали, приземни објекти. Резултатот на оваа комбинација е  големата монолитна структура, која доминира со просторот. Единствените изгледи на објектот произлегуваат од пејзажот на овој регион, кој доминираат планински венци, а необичната внатрешна структура осигурува добар светлосен продор и нов пристап на зелената архитектура.


Воведувањето на зелени површини внатре во самиот објект по зборовите на проектантите, е одлика на главните кинески градители, кои се труделе да одржат рамнотежа меѓу природните и изградените средини. На овој начин, структурата станува вештачки рид, каде што живеат луѓе, праќајки силна еколошка порака, а воедно стануваат и главно обележје на градот. Иако овој  урбанистички план свооевремено беше одобрен, до денес се разгледува дали оваа архитектура би пронашла свое место во секојдневниот живот на граѓаните.

---

< Пред		Следно >