Архитектура - Светска архитектура

Проектот  “Ex Ducati”  вклучуваше развој на целокупната парцела  на партерно уредување како и изградба на нов објект за работна намена. Станува збор за централната локација на градот Римини,  во Италија. Приземниот дел на објектот е дизајниран  за комерциијалните фунцкии, додека додека останатите три горни ката се наменети за административни функции. Објектот има поткров, како и подрумски кат. Приземниот кат има 293 квадратни метри комерцијален простор и 100 квадратни метри гаража. На местото на влезот во дворот се воочува стаклен атриум кој се протега на целокупната висина на скалите.  Интересно е тоа што  за обложувањето на приземниот кат  биле потрошени 50 м. фасадно стакло и  уште 40 м  во висина  на стаклото за атриумска целина која гледа кон дворот.

Канцеларискиот простор на следните три ката има моделарен распоред, каде може да се создаде канцеларија од 47,57, и 70 квадратни метра за да се задоволи флексибилноста на просторот. Објектот е во облик на буквата Л со две ламели, каде централен влез на вкрстување е оската на двете ламели. Фасадата има три различни материјализации, односно зелена ( вегетативна) фасада на влезот во објектот, фасада од челични елементи на уличната страна, а на делот на објектот кој е свртен кон дворот,фасадата е материјализирана во дрвени панели. Со време фасадата на објектот  ќе доживее промена на изгледот, бидејки металната решетка на уличната фасада всушност е “држачот” за  билките кој ќе израсне и со време ќе го прекрие објектот.

---

< Пред		Следно >