Архитектура - Светска архитектура

Холандскиот архитект Rem Koolhaas е добитник на престижната италијанска награда „Златен Лав“ за животно дело на 12-то меѓународно биенале за архитектура во Венеција. Биеналето ќе биде одржано од 29.08.2010 - 21.11.2010 година, и главна тема ќе биде односот на поединецот во просторот каде што живее. Предлогот беше даден од страна на директорот на 12-то Биенале Kazuyo Sejima од Јапонија. Да потсетиме дека Kazuyo Sejima и Ryue Nishizawa се челници на познатата SANAA, која оваа година ја доби и Прицкеровата награда.

Значајно е да напоменеме дека и Rem Koolhaas е добитник на Прицкеровата награда во 2000година, а основач е на архитектонското студио ОМА(Office for Metropolitan Architecture) кое е ситуирано во Ротердам, Холандија. Заслужен е за објектот во Њујорк на познатата монденска куќа Прада, Холандскиот танцов театар во Хаг, Зградата на уметностите во Ротердам, Гран Пале во Лил, Јавната библиотека во Сиетл, CCTV- седиштето на централнтата телевизија во Пекинг, Холандската амбасада во Берлин и низа други значајни објекти.

Во неговоот образложение во Венеција истакна дека ги има проширено можностите во архитектурата, фокусирајќи се на човекот и просторот. Создаде објекти кои што ги зближуваат луѓето, со што постави нови и амбициозни цели во архитектурата.




Архитект.мк

---

< Пред		Следно >