Архитектура - Светска архитектура

Архитектонското студио Populous го проектираше новиот стадион во Даблин, кој што и официјално ќе влезе во групата на стадиони „UEFA Elite“. Оваа група ја сочинуваат современите стадиони кои што покрај нивната естетска вредност, мора да соодвејствуваат уште на голема низа барања и нормативи пропишани од страна на UEFA.

Најчесто се насочени кон безбедноста и севкупниот квалитет ,односно максимален капацитет на трибини, нивно непречено полнење и празнење, јачина на осветленост и големина на теренот за игра, потребни паркинг простори за автомобили и автобуси како и уште стотина други кои се неминовни за стадиониот да влезе во оваа категорија.


Стадионот се гради на место на легендарниот стадион Lansdowne Road, и ќе има капацитет од 50.000 седишта. Замислен е да фунцкионира со напредна технологија сместена во две нивоа под самиот стадион, која ќе овозможи голем степен на автоматски функции во објектот како и употребување на зелената технологија.

Покрај тоа што оваа технологија  овозможи искористување на атмосферските води, сончевата топлина и слично, значајно е да нопоменеме дека оваа технологија е употребена и пред самата изградба на стадионот, која што овозможила рушење на стариот Lansdowne Road со чии рециклирани материјали во голема мера се гради новата Авива.


Голем број на критики беа упатени кон малиот капацитет на стадионот како и кон формата која што го наруши ортогоналниот систем на изградени објекти во овој дел од Даблин. Објектот треба да биде отворен кон крајот на 2010 година.




Архитект.мк

---

< Пред		Следно >