Архитектура - Светска архитектура

Архитектонското студио C.F. Moller Architects е добитник на првата награда за културниот центар и опера, објект кој ќе биде изграден во Кристиансунд, Норвешка. Визијата на овој проект е создавање на еден моќен центар за култура, во Кристиансунд, град кој воедно ја поседува најдолгата музичка традиција во Норвешка. Манифестацијата  “Opera Festival Weeks” е само една од причините за која е разбирлива потребата и значењето на овој проект, не само за локалното население, туку и за целокупната култура во Норвешка.

Објектот е замислен да содржи библиотека, како дел од Универзитетот, балетски центар, конференциски простории, ресторан и кафе бар што би претставувале претечки фунцкии покрај концертната сала. Програмските барања на конкурсот не се однесуваа само на објектот туку и на платото што се наоѓа пред самиот објект и кое што ќе претставува и партер на овој центар, за кое беше побарано да се обликува и адаптира во хармонија со постоечките објекти кои што се во непосредна близина на културниот центар.

Изборот на C.F. Moller Architects се состои во неутралната боја на објектот и партерот, кои во тек на денот се поставени ненаметнато во просторот, а самата транспарентност во ноќните часови создава амбиенталност која го менува урбанистичкиот интерфејс и oвозможувајќи динамичност во просторот.




dia.rs

---

< Пред		Следно >