Архитектура - Светска архитектура

Најновиот проект на архитектонското студио SPBR се наоѓа во градот Убатуба во близина на Сао Паоло. Станува збор за надвиснат објект кој е наслонет само на три армирано бетонски столбови, кој како резултат на изразито закосениот терен претставува логичен концепт на авторите. Сместен е во непосредна близина на јужниот дел од плажата Тенорио, а разликата помеѓу котата на улицата и котата на плажата е цели 28 метри.

Основните носиви елементи се трите столбови на кои се ослонува секундарната конструкција составена од челичен систем. Концептот на организација на куќата е со правец од горе кон доле, односно од улицата кон плажата. Така влезната партија е псотавена и организирана непосредно до улицата од каде што се формираат неколку каскадни етажни единици ориентирани кон плажата Тенорио.

Ова архитектонско решение создава чувство дека куќата е прикачена на некое дрво со тенденција да се вклопи во природното опкружување, во кое објектот е опкружен со бројните птици богатата флора и прекрасните визури кон плажата и морето. Архитектите за овој објект велат дека за нив тоа претставува куќа во која што успеале да овозможат  да слушате, мирасате и гледате.

Архитект.мк
Игор Василевски

---

< Пред		Следно >