Архитектура - Светска архитектура

Во близина на Колорадо, САД поточно во градот Болдер, архитектонското студио Arch11 неодамна го заврши својот последен проект наречен „The Syncline House“. Станува збор за резиденцијален објект во кој ќе живее брачна двојка која се занимава со професионално планинарење и чии барања се воедно и основната задача на архитектите. Нивната потреба била да се создаде дом  кој ќе претставува раб помеѓу урбаното и дивото, место во кое ќе може „да се остави градскиот живот зад себе“.

Една половина од куќата по својот обем изобилува со тикувано дрво и камени фасадни површини а преостанатата половина е застаклена која што овозможува фрагментални визури кон различни делови на богатиот планински пејзаж, кој неоспорно можеме да го сретнеме на сите страни околу оваа резиденција. Ентериерот е третиран со современ архиетктонски израз во кој природните материјали фантастично се вклопени во целиот концепт. Импресивен впечаток остава и дневната просторија, во која галериското решение создава просторност и дополнително чувство на пространост и комфор.

---

< Пред		Следно >