Архитектура - Светска архитектура

Скандинавскиот голф клуб што се наоѓа во Фарум, на 20 километри од Копенхагген се простира на исклучително голема парцела која своевремено претставувала тренинг камп за данската војска. Интервенцијата во однос на инфраструктурата била минорна од причина што на ова место постоеле само неколку бараки кои без никакви потешкотии биле отстранети со што се овозможиле природни и пространи панормаски визури, кои се еден од поважните фактори на местата каде што се прават голф клубови.

Архитектонската визија на архитектите од проектантското студио Henning Larsen Architects се состои ви создавање на тесна брска помеѓу традиционалниот американски голф и функционалната скандинавска архитектура. Исто така треба да напоменеме дека спојот на традиционалните материјали и модерниот архитектонски израз допринесе до создавање на скулптурален објект. Впечатливи се издолжените рожници како и целокупната кровна конструкција за што и овој тим од архитекти ја добија и наградата за најдобро данско столарско достигнување.

---

< Пред		Следно >