Арт

Во просториите на Францускиот културен центар во 19 часот ќе биде отворена изложбата „Кажи ми десет зборови што нè поврзуваат“.

Изработени на тема – солидарност, на изложбата ќе бидат претставени делата на Бојана Грујовска, Христина Стојчевска, Љупчо Илиевски и Владимир Илиевски, студенти од Факултетот за ликовни уметности. Во нивните дела се содржани текстови напишани на наведената тема, а изработени од ученици од повеќе основни и средни училишта и универзитети во Македонија.

Програмата „Кажи ми десет зборови што нè поврзуваат“ секоја година се распишува во рамките на Франкофонијата од француското Министерство за култура и предлага десет зборови на одредена тема, на која школските и универзитетските установи ширум светот, со посредство на нивните професори по француски јазик, создаваат текстови. Годинашната тема на програмата, која соедини делата од лингвистичка и книжевна природа, е солидарноста.

Изложбата во Францускиот културен центар ќе ја отворат г-дин Јован Шумковски, декан на Факултетот за ликовни уметности во Скопје и г-дин Жан-Ив Лавоар, директор на Францускиот културен центар и советник за култура и соработка при Амбасадата на Франција.

На отворањето на изложбата ќе присуствуваат и четворицата уметници – автори на делата. Изложбата ќе трае до 31 мај во просториите на Францускиот културен центар во Скопје.

---

< Пред		Следно >