Арт

Врз основа на Програмата за култура за 2011 година Општина Карпош распишува конкурс за избор на најуспешно дело во ликовна техника акварел.


1. Општи услови на Конкурсот

- Секој учесник на Конкурсот може да учествува со едно дело;
- Делото треба да биде со димензии не помали од 60х40 см;
- Уметничкото дело не смее да биде претходно изложувано;
- Наградените дела остануваат во сопственост на Општина Карпош.

2. Право на учество на Конкурсот

На Конкурсот можат да учествуваат сите академски ликовни уметници.

3. Начин и рок на поднесување на пријавите

На Конкурсот кој е отворен до 10.5.2011 година, уметничките дела се предаваат под
шифра залепена на нивната задна страна. Заедно со делото, авторот доставува и
плик во кој треба да бидат наведени неговото име и презиме, адреса и контакт
телефон. На предната страна од пликот треба да биде испишана истата шифра
како и на уметничкото дело.

Делото, што претходно треба да биде добро заштитено, со што би се избегнале
евентуалните оштетувања, заедно со пликот се доставува до Општина Карпош (ул.
Демир Трајко бб, со назнака за Конкурс за акварел).

При предавањето на делото, учесниците на Конкурсот задолжително
потпишуваат изјава со која потврдуваат дека се согласуваат со условите од
Конкурсот.

Со предавањето на делото, авторот може да потпише и изјава со која се согласува
да го подари делото на Општина Карпош како донација за оформување на Фонд
на уметнички дела.

4. Награди на Конкурсот

На Конкурсот ќе бидат доделени следните награди:

- ГРАН-ПРИ „Тофе Шулајковски“ - парична награда во износ од 30.000,00 денари

- Десет откупни награди во поединечен износ од по 10.000,00 денари.

---

< Пред		Следно >