Изложбата „Простор-Пејзаж“ на германската уметница Анет Хрст во среда, 18 ноември, ќе биде отворена во мултимедијалниот центар Мала станица. Анет Хрст е родена 1962 година во Штутгарт, Германија. Дипломирала на академијата за ликовни уметности во Минстер. Досега реализирала 13 самостојни изложби во Германија и САД, учествувала на повеќе групни претставувања во Германија, САД, Италија, Македонија, а изложбата во Националната галерија на Македонија е нејзина прва самостојна изложба во Македонија.

Изложбата се состои од повеќе објекти, изработени главно од картон, на кои уметницата работела дополнително со масло, креда, графит, молив, акрил и водени бои. Овие материјали се всушност предмети од нејзиното опкружување - кутии за мебел, кутии од млеко... Хрст ја воведува техниката парање што таа исто така ја смета за форма на „индиректно цртање“. На овој начин Анет Хрст со намера го интегрира аспектот на можност, начинот на кој картонот сам по себе развива свои уникатни форми при процесот на кинење.... Сето ова се случува на еден тивок начин и со еден ограничен избор на бои, кој е, пак, одреден од пастелните тонови на бела, сина, зелена, кафеава и сива.