Арт

Вечерва во 20 часот, во „Мала станица“, ќе биде отворена самостојна изложба на македонскиот уметник Роберт Дандаров, кој живее и твори во Њујорк.Во целиот свој работен век, како автор тој го третира фигуративниот принцип негувајќи го најчесто во форма на реализам (некаде споменат како 17- вековна фламанска техника на сликање), оној што некаде се класификува како нов, магичен, некаде како хипер, или пак фотореализам.

Роберт Дандаров е роден во Струмица, 1959 година. По завршувањето на Школата за применета уметност во Скопје доделена му е стипендија за Американската академија за уметност во Чикаго, а подоцна добил и стипендија од Националната академија за дизајн во Њујорк каде дипломирал 1981 година. Од 1980 до 1990 учествувал на многубројни самостојни и групни изложби во САД и Европа, вклучувајќи и разновидни изложби во Германија, Холандија и Белгија.

Во 1999 се преселил во Доминиканската Република, каде минал две години како уметник - резидент и како професор по сликарство на Школата за дизајн Алтос де Шавон, збратимена со Парсонс Школата за дизајн во Њујорк.Во неговата биографија е забележано дека во 2001 година поминал една година во Антверп, Белгија, студирајќи ја техниката на седумнаесет вековните фламански сликари и подготвувајќи серија на дела за самостојната изложба во Музејот на современата уметност во Скопје. Моментално живее и работи во Бруклин.

---

< Пред		Следно >