Арт

Во тек е самостојната изложба на академскиот уметник Зоран Арсовски од Куманово која е поставена во галеријата на центарот за култура "Марко Цепенков" во Прилеп. Изложбата  ќе трае до 15 јануари 2010 год.Зоран Арсовски е роден 1980 во Куманово има дипломирано и магистрирано,сликарство на Националната ликовна Академија во Софија во класата на проф.Божидар Бојаџиев и проф. Станислав Памукчиев.

Во својата уметничка кариера прави обид за исчекор со еден пристап кој е невообичаен за младите уметници. Храброста на авторот своето актуелно творештво да го презентира во неколку целини кои меѓусебе навидум не се поврзани може да се разбере како желба за што поцелосна презентација но и како естетска провокација којашто треба да предизвика полемика.Токму таа интеракција на релацијата уметник-дело-конзумент е основната идеја на Зоран Арсовски, почетна точка во неговото творештво и завршна одредница во неговата реализација.

Во претставената ликовна продукција не постои дело кое не раскажува некоја приказна или промовира некоја идеја од секојдневниот живот, мисловното е секогаш пред насликаното и последователно и перманентно се материјализира во сликарските артефакти на Зоран Арсовски.За уметникот Арсовски може да констатираме дека тој е еден од младите современи академски уметници,кои се во фокусот на македонската и странска ликовна сцена.

---

< Пред		Следно >