Арт

Изложба на фотографии под наслов „Културни случувања“ ќе биде отворена вечерва, во 20 часот, во Мала станица. Организацијата на оваа изложба е иницирана од австриската влада и Министерството за надворешни работи на Австрија. Фотографиите, претставени на изложбата, ги претставуваат најубавите места на регионот на Западен Балкан, поточно најважните места од светското културно наследство во седумте земји од наведениот регион.

Несекојдневната перспектива на местата, исполнети со убавина и историја, како што се старата охридска чаршија, националниот парк Бутринт, мостот на Дрина во Вишеград, Диоклецијановата палата во Сплит, которскиот залив, манастирите Студеница и Дечани се констатација за важноста на овие споменици и на целиот регион, како и за амбасадорската улога на културата воопшто.

На отворањето ќе зборуваат Алојз Краут, амбасадор на Австрија во Македонија и Маја Крстевска, директорка на Националната галерија на Македонија. На отворањето ќе настапи и музичката група „Љубојна“.

::: Нова Македонија

---

< Пред		Следно >