„Студиото за мозаик под менторство на Александар Филев веќе е започнато со работа, 18 пат годинава. Оваа меѓународна колонија за Струмица има големо значење, бидејќи од неа до сега произлегоа значајни дела како споменикот на Гоце Делчев, сега ќе се прават две скулптури за новиот плоштад што се гради. Благодарение на овој настан се разви и приватното колекционерство во Струмица чија бројка изнесува 45 добри колекционери“, изјави за „Макфакс“ Бранко Пепиќ, раководител на сектор за ликовна и галериска дејност при Центарот за култура „Антон Панов“.

На колонијата која ќе трае до 20 август ќе учествуваат 18 сликари, мозаичари и скулптори како од нашата земја така и од Србија, Хрватска, БиХ, Турција, Бугарија, Полска, Италија, Тунис.