Арт

Изложбата во њујоршката МОМА под наслов: „Матис: радикална инвенција, 1913-1917“ се обидува да открие како настанале некои од најмистериозните дела на францускиот уметник Матис. Во периодот на враќањето на Матис од Мароко во Париз во 1913 година и патувањето во Ница во 1917 година, уметникот создал некои од најинтересните дела во својата кариера.


Станува збор за сликите кои се во суштина ослободени од деталите, а ги карактеризира геометриска прецизност со доминација на нијансите на црна и сива боја. Делата од оваа фаза генерално се сметаат за неповрзани едни со други, а изложбата: „Матис: радикална инвенција, 1913-1917“ понира под површината со цел да го истражи нивното создавање и контекстот на праксата на создавање на Матис. Дури по направените истражувања се создаде јасна слика за поврзаноста меѓу делата создадени во четиригодишниот период.


Изложбата во њујоршката МОМА носи околу 120 слики на Матис, скулптури, цртежи и принтови, а ќе може да се види до крајот на октомври годинава. Сите оние кои не се во можност во живот да ја погледнат изложбата, тоа можат да го сторат на интернет страниците на музејот.

---

< Пред		Следно >