Фотографија - Македонија

Ги известуваме сите учесници на конкурсот за фотографија „2/Два“, а воедно и сите љубители на фотографија дека во четврток на 09.06.2011 година со почеток во 08.30 часот ќе се изврши отворање и оценување на пристигнатите фотографии. Притоа ги покануваме сите заинтересирани учесници но и љубители на фотографија да присуствуваат на отворањето на конкурсните фотографии, кое е од отворен карактер. Жирирање ќе се одржи во просториите на големата сала во Општина Карпош барака број 5.

Стручното жири е составено од:
-  Роберт Јанкулоски, фотограф и директор на македонскиот центар за фотографија;

-  Жанета Вангели, професор на Ликовна академија, мултимедијален уметник, активна во областа на фотографијата, сликарството, видеото и филмот;

-  Валентино Димитровски, претседател на македонскиот центар за фотографија, историчар на уметноста и ликовен критичар, раководител на Одделението за движно културно наследство при Министерството за култура;

Трите првонаградени фотографии како и избор на уште 27 фотографии  на Конкурсот за фотографија на тема „2/Два“ ќе бидат претставени на посебна изложба.

---

< Пред		Следно >