Фотографија - Македонија

Македонскиот центар за фотографија, МЦФ ќе организира курс за студиска фотографија (table top) на кој учесниците ќе имаат единствена можност да работат со професионална студиска опрема. Курсот опфаќа интензивна работа од 20 часа распоредени во четири дена, а го спроведува Роберт Јанкулоски. Курсот ќе трае од 25.11.2010-28.11.2010 година и има цел да им овозможи на учесниците стекнување на продлабочени знаења и вештини за студиска фотографија преку обработка на теоретски содржини и практични вежби.

ПРОГРАМА ЗА РАБОТА

25. 11. 2010 (четврток)         19:00 – 22:00 3 h

Теоретски дел: историски преглед на третирање на мртва природа во сликарството и старата фотографија; проблеми со осветлувањето и анализа на ликовни дела од историјата на сликарството и фотографијата; мртвата природа во современата фотографија. Во оваа сесија слушателите ги осознаваат теоретските принципи на композиција и на осветлување на различни материјали.

26. 11. 2010 (петок)               17:00 – 22:00 5 h

Практичен дел: местење композиција, осветлување и снимање на мртва природа со средноформатни камери (Mamiya RB 67; Hasselblad 500CM, B&W) и со професионално флеш светло (Elinchrom) како и различни додатоци. Ќе се фотографираат предмети од стакло, метал, порцелан и сл. Во оваа сесија учесниците ќе осознаат како практично да ги применат теоретските содржини од предходниот ден.

27. 11. 2010 (сабота)              10:00 – 13:00              18:00 – 22:00 7 h

Практичен дел: индивидуална и групна работа; слушателите сами местат композиција и светло во консултација со предавачот; се снима со дигитални камери Canon 5D / Canon 5D Mark II. Во овие сесии учесниците целосно ќе ги реализираат сопствените идеи и може да понесат реквизити кои што сакаат да ги снимаат.

28. 11. 2010 (недела)             09:00 – 14:00 5 h

Анализа на снимениот материјал, избор на фотографии за изложбата која се организира по завршување на курсот. Можно е дополнително снимање во овој термин доколку се појави потреба за истото.

учесници добиваат сертификат за учество на курсот.

Кратка биографија за обучувачот

Роберт Јанкулоски (роден 1969) има дипломирано на Факултетот за драмски уметности во Скопје (катедра за камера). Основач е на Македонскиот центар за фотографија. Предава фотографија на неколку програми во Македонија. Има одржано 23 самостојни изложби во Македонија, Франција, Бугарија, Австрија, Србија, Германија, Турција и Полска. Учествувал на многу групни изложби вклучувајќи ги Манифеста 1 – Европско биенале на современи уметности во Ротердам, 1996 и Context Europe (Импулс од Балкан) во Лион, 2003. Добитник е на повеќе награди за фотографија. Има работено како фотограф на долгометражни филмови и има снимено неколку документарни филмови.


Работна атмосфера и дел од проектите сработени од македонски автори во МЦФ

 

---

< Пред		Следно >